- الفشل ما هو الا تجربه من تجارب الحياه الكثيره و فوائدها أكثر من سلبياتها ..... فهى تجعلك تدرس الموضوع بشكل مختلف عن ذى قبل و تراجع أوراقك حتى تعيد ترتيبها من أول و جديد .... فتبدأ بذكاء و معرفه من جديد حتى لا تقع فى مثل هذا الخطأ مرة أخرى ..... فالتجربه الفاشله تساعدك على تحسين اسلوبك و زيادة معرفتك

Tr.Mohamed Rashwan

 

- اياكم و الخوف من الفشل ....لأنه يريد أن يجردكم من أقوى اسلحتكم ضده و هو أتخاذ القرار

Tr.Mohamed Rashwan

 

- حافظ دايما على طموحك و حارب عشان توصل ليه و توقع دايما انك حتلاقى اللى يحبطك دايما لأن بعض الأشخاص بيعجزوا عن تحقيق أحلامهم و طموحهم ...عشان كده عايزينك شبهم مش أحسن منهم

Tr.Mohamed Rashwan

 

- ربنا خلق كل واحد فينا و له نصيبه من السعاده .... فخللى بالك أوعى حد ينسيك و يشككك فى نصيبك من السعاده لأنه أكيد عايز يسرقها منك ..... و أفرح لأنك تستحق السعاده

Tr.Mohamed Rashwan

 

- نصيحه منى لما تيجى تتكلم مع حد بيجادلك فى موضوع ما تركزش فى ان ردك عليه يبقى اقوى .... لكن ركز و أهتم أن ردك دايما يبقى أرقى ...... بكده حتتكلم بكل ثقه و هدوء و قدرتك حتزيد على الإقناع

Tr.Mohamed Rashwan

 

- نصيحة منى ....أعرف و اتأكد ان ربنا خلقك لهدف و قيمة فى الدنيا و ان ليك دور مهم فيها لأن ربنا عمره ما خلق أى شىء هباءا حاشا لله فأسعى دايما انك تعرف دورك كويس و إمكانياتك و توظفها لخدمة هذا الدور فى الحياه عشان تبقى إنسان إيجابى فى المجتمع

Tr.Mohamed Rashwan

 

-عن تجربه ....لو انت مهموم أو مريض أو مديون و حزين لو حاسس ان الدنيا مقفوله فى وشك ...... شفت كل ده علاجه بسيط اوى حابب تجرب ..... مستعدجرب كده روح لشخص محتاج و اقضيله حاجته .... روح زور مريض حتى لو ما تعرفوش ..... أسعى للصلح بين اتنين متخاصمين ....... أو ابتسم و ابعث السرور فى الناس حواليك .....او زور جار كبير فى السن وحيد .... أعمل أى عمل خير لأى شخص محتاج للخير ده ...... بس ناقص حاجه بعد ما تعمل ده قولهم كلمه بسيطه بعد ما تفرحهم ....قلهم أدعولى بالخير ...... و شوف الفرق ... و شوف سرعة الاستجابه من الله ليك .... عارف ليه لانك بقيت كريم ..... لكن ربنا حيقولك لو انت كريم بعبادى فأنا أكرم منك .... و زى ما جبرت بخاطر عبادى ..... انا الملك حجبر بخاطرك .جربوها و أدعولى بالخير

Tr.Mohamed Rashwan

 

أصعب لحظات الحب هو عندما يأخذك فى صراع ما بين العقل و القلب و الضمير فلا يتفقوا على إتخاذ قرار فى شان من تحب

Tr.Mohamed Rashwan